الشيخ أشرف الفيل في مداخلته مع د. حسام موافي
رأي الدين في إختيار نوع الجنين في الحقن المجهري
في مداخلة هاتفية تحدث الشيخ أشرف الفيل من علماء الأزهر الشريف في مسألة هامة طرها الدكتور حسام موافي مقدم برنامج رب زدني علما علي قناة صدي البلد ونستمع للحوار
د.حسام
افتكروا الجمعه اللي فاتت كان في سؤال قلنا احنا كاطباء مش من حقنا نجاوب عليه مش من حقنا لانه بيتكلم في الحلال والحرام الحلال والحرام له ناسه له رجالته له علماؤه خريجي الازهر ربنا يحميهم ويحفظهم يا رب كان السؤال الاتي بيقول دلوقتي في اخصاب مجهري إخصاب مجهري يعني التلقيح الصناعي فبتجيب بويضه وبتجيب حيوان منوي ويحطهم مع بعض وبعدين يحطهم في الرحم والست تحمل وحلت مشكله عدد كبير جدا جدا ما بيخلفوش اتحلت المشكله دي لكن بقى العلم قال لك طب ما انا اقدر اخد الحيوان المنوي والبويضه اللي يجيبه ذكر او انثى انا اللي اتحكم فيها هل هذا حرام ام حلال؟ قلنا هنتصل بالشيخ اشرف الفيل الجمعه اللي فاتت وقلت لكم انتظرونا الجمعه دي لاجابه السؤال اما نشوف الشيخ اشرف هيبقى معانا أهو
الشيخ أشرف
السلام عليكم ورحمه الله
د.حسام
ازيك يا شيخ اشرف يا دكتور اشرف
الشيخ أشرف
الحمد لله يا دكتور حسام أزي حضرتك؟
د.حسام
السؤال اللي انا كنت سالته لك وقلتلك عايزين نسجله في صدى البلد برنامج رب زدني علما البويضه والحيوان المنوي لو انا اقدر اختارهم بحيث يجيبوا ذكر ام انثى يبقى انا بتحكم في الجنس اللي جاي هل هذا حرام ام حلال؟
الشيخ أشرف
بالنسبه لاختيار الطبيب لنوع جنس الجنين امر جائز من وجهه نظري لا مشكله فيه وذلك لان الله سبحانه وتعالى ما دام قد اعطى القدره للطبيب على هذا الامر وعلى هذا هذا الترتيب فلا حرج في كونه يعني ذكرا او انثى مادام استطاع الطبيب يفعل ذلك
د.حسام
كويس بس هناك يعني في ناس لما سالتهم قالك ده حرام لان الجنس ده ربنا اللي بيحدده وانت دخلت فيه فانا اجابتي كانت انا لا عملت حيوان منوي ولا عملت بويضه انا اخترت بس
الشيخ أشرف
الذين قالوا بهذا لم يفرقوا ما بين الخلق والإشاء
د.حسام
برافو
الشيخ أشرف
لم يفرقوا ما بين الخلق والانشاء
د.حسام
لم يفرقوا بين الخلق والانشاء
الشيخ أشرف
فالخلق هو الايجاد من عدم فالروح لم تكن موجوده اوجدها الله من عدم ليس لها يعني يعني اساس فوجدها الله من عدم ليس لها شبيه في الكون والنفس كذلك ليست موجوده ليست مركبه من ماده فاوجدها الله من عدم ثم بدن الانسان الذي خلقه الله عز وجل عبر الله عنه بالانشاء مع انه هو الذي خلقه قال وهو الذي انشأكم من نفس واحده والمعنى اي ان الانسان جاء من انسان من مخلوق قبله جاء من مخلوق قبله فعبر الله عنه بالانشاء وكذلك قال والله انبتكم من الارض نباتا فهذا انشاء لماذا؟ لان الانسان تركبت عناصره من الارض من الزرع لكن هذا الزرع اوجده الله من عدم يبقى ما اوجد من عدم سمي مخلوقا
د.حسام
ايوه
الشيخ أشرف
وما اوجد وما وجد من مخلوق سمي انشاء فالطبيب الطبيب ياتينا بشيء من مخلوق كما تفضلت حضرتك الحيوان المنوي انت لم تخلقه ولم تتدخل فيه ولا تستطيع تحويله حتى لما كان دم عند الانسان ثم تحول من دم الى حيوان منوية ما يستطيع الانسان نفسه اللي هو في داخله هذا الدم وهذه الاليه ما يستطيع فعل هذه الاليه لان الدم هذا يخلق منه كما طبعا ده مش اتكلم في الطب بقى انا دايما اسيب الطب يعني حضرتك بتسيب لي الطب وانت بتتكلم في الدين فانا المره دي يعني فانا عايز اقول بس ان ان الدم ده عباره عن خلايا اكيد ولا لا ولا غلط
د.حسام
صح جدا
الشيخ أشرف
هذه الخلايا هذه الخلايا قد قد هذا الدم قد ياتي منه خلايا متشابهه فتؤدي الى لوكيميا او المرض والسرطان وغيره وده من الكلام مظبوط ولا غلط
د.حسام
مظبوط جدا
الشيخ أشرف
طب تمام ونفس الدم ياتيك بخلايا كامله تامه هذه الخلايا الكامله التامه بتبقى خلايا نافعه ناجحه نفس الموضوع هو الخلايا دي لما بيتدخل الطب لاستئصال الكنسر او استئصال المرض ده او الورم ده بيتداخل لاستئصال هذه الخلايا الفاسده هو نفس الطبيب اللي هيختار من الخلايا اللي موجوده قدامه في الحيوانات المنويه والبويضات والحاجات دي هيختار نوع الجنين من ذكر او انثى زيه زي ما اختار الخليه صاحبه الشكل السيء اللي
هي الكانسر وساب الخليه النافعه ايوه نفس الاختيار
د.حسام
كلام جميل جدا جدا بس بدل كلمه دم هنخليها عضو يعني الخصيه هي العضو اللي
الدم بيغذيها هي بتعمل حيوان المنوي فبدل ما نقول دم نقول خصية
الشيخ أشرف
بالظبط عشان مش متخصص عشان مش متخصص بس انا بقول بقول فكره تقريبيه و بستغل فرصه
ان حضرتك يعني يعني من علماء الطب الاكابر هتصحح
د.حسام
من يرد علينا يقول انتم بتغيروا نسبة الذكور الى الاناث اللي ربنا عاملها
الشيخ أشرف
حلو مش ممكن حضرتك تعمل العمليه ديت وتختار ذكور في نقطتين النقطه الاولى ممكن انت تختار هذا الذكر والكلام ده كله ونعمل الحقن المجهري والكلام ده مش ممكن الحقن المجهري ده يفسد
د.حسام
طبعا طبعا ده ده نسبة نجاحه نسبة نجاحه قليلة مش عالية
الشيخ أشرف
طيب يبقى اختيارك للذكر هذا كان اختيار انشاء اه اما اختيار الخلق اللي هو التوفيق هذا من اختيار الله فالله لو لم يرده ذكرا ولا انثى مش هيجي ولا الذكر ولا صحيح
د.حسام
صحيح جدا جدا
الشيخ أشرف
دي مساله يبقى يبقى ربنا سبحانه وتعالى لو مش هيجيب لو مش لا يريده مش هيجيلك الكلام ده الاختيار هيقع هتفسد العمليه هتعمل الكلام ده لانه لا هتفسد العمليه هتعمل الكلام ده لانه لا يمكن لاحد ان ينشئ شيئا في كون الله الا بمراد الله لايمكن الله أعلم
د.حسام
صح ده حاجه جميله جدا ممكن نعمل بقى حلقه مع حضرتك على موت جزع المخ لانها قضيه دينيه قانونيه طبيه
الشيخ أشرف
حاضر حاضر يا دكتور حسام انت عارف انا من ساعه عشان انت من ساعه ما سقطتني في ثالثه طب عايزك بس يعني ايه تعديني لسنه رابعه فقط الحلقه دي عشان انجح سنه
د.حسام
الاجابه بتاعه النهارده انت طلعت رابعه خلاص ما تقلقش
الشيخ أشرف
بس خلاص الحمد لله شكرا جزيلا د. حسام
د.حسام
ربنا يبارك لك ويحفظك الف الف الف شكر يا شيخ اشرف الف شكر والله متشكر
مواقع الصحف المصرية الهامة أضغط عليها :