برنامج أسأل مع دعاء
المتصلة مني خايفة من وقوع الطلاق
المتصلة منى في برنامج أسأل مع دعاء علي قناة النهار بحضور فضيلة الشيخ أشرف الفيل تقديم الإعلامية دعاء فاروق .. منى .. أيوه أهلا يا مني أزيك .. أهلا بحضرتك .. أتفضلي .. لو سمحتي أنا عاوزة أسأل سؤال ما لوش علاقه بالحلقه ما لوش علاقه بحاجة بس أنا محتاجة أعرف الرأي أنا إمبارح كنت بهزر أنا وزوجي معلش يعني كان في ناموسة على وشه فاحنا قبلها كنا بنتخانق فأنا حبيت ان أنا أعدي الموضوع قلت له في ناموسة على وشك هضربك فضربتها بس جت جامد يعني المهم هو أنفعل قوي أتضايق وبعدين راح حالف عليا بالطلاق قال لي طلاق بالتلاتة ملكي وشافعي وأبو حنيفة إن كنتي قاصدة إن أنتي تضربيني جامد كده أنتي تبقي طالق أنا كان في نيتي إن أنا أضربه وأنا قلت له أنا هضربك هي ناموسة فعلا على وشه ووريتها له وده اللي حصل أنا بسأل الطلاق ده وقع ولا لأ ولما جوزي سألني أنتي كان قصدك أيه قلت له أنا كان قصدي إن في ناموسة على وشك وأنا كنت بهزر وحتى الناموسه ماتت وانا وريتها لجوزي وأنا كان كل اللي قصدي أنا بهزر إن انا بضرب الناموسة بس أنا برضو خايفة يكون من جوايا قصدي إن أنا أضربه بس أنا ما كانش قصدي إن أنا أضربه بالقوة دي طب أنا أعمل أيه فعلا
رد فضيلة الشيخ أشرف الفيل
.png "فضيلة الشيخ اشرف الفيل")
وكان رد فضيلة الشيخ أشرف الفيل هي لو كانت تقصد وتعمدت فعل ذلك وهو قال لها لو كنتي تقصدين ذلك فأنتي طالق كده وقع الطلاق خلاص ما فيهاش كلام ثاني إنما إذا كان اللي هي فيه ده وسوسة يعني هي لما قال لها كده فبدأت تتوسوس يا ترى كان قصدي أيه هي بتهزر هو الموضوع كله كان هزار لكن الشيطان ألبس عليها الموقف وده اللي إحنا بنقوله النبي عليه الصلاة والسلام لما نهي أن يشير الإنسان بسلاحه علي أخيه ليه؟ علشان الشيطان ممكن يتغلب على إنسان فلا يدري في لحظة فيصدر قراره فيقتل أخاه فكذلك الحال أنتي بتقولي له أنا هضرب وأنا هموت الناموسة في الحتة الفلانيه بتهزر أيوه بس ده انتي ملكتي الشيطان من أيدك حتي جعلكي تفعلين ذلك وإن لم تكوني تقصدي بقى فوسوس لكي فدخلك من باب الوسوسة فإن كانت المسألة وسوسة فلا شئ فيها وتعدي المسألة إنما إذا كانت فعلا في داخلها غيظ شديد من ناحيته حقيقة وهي تريد أن تفعل ذلك لتنتقم لنفسها بشئ بسبب أسباب قديمة يبقي كده وقع الطلاق وبلاش نهزر الهزار التقيل ده
رابط حكم قول الزوج لزوجته أنتِ طالق ثلاث مرات؟ علي موقع صدي البلد أضغط هنا
فيديو الموضوع علي قناتي
مواقع الصحف المصرية الهامة أضغط عليها :