مكونات طبيعية لعلاج الضعف الجنسي ورفع هرمون التستوستيرون طبيعيا
د.حسام خلف
السلام عليكم ورحمة الله وبركاته النهاردة هنتعرف مع بعض على وصفة طبيعية ، وفعاله جدا لعلاج مشكله الضعف الجنسي عند الرجال وضعف الانتصاب ، بتساعد على زيادة نسبه هرمون التستوستيرون بشكل طبيعي اللي بيزود قوه الانتصاب وبيزود الرغبة الجنسية وبيساعد برضو على زيادة القدر على بذل مجهود بدني والأداء البدني سواء عند الرياضيين او الاشخاص العاديين وبيزود برضو أو بيساعد على زيادة الكتلة العضلية التركيبة دي برضو من الحاجات اللي بتساعد على زيادة الخصوبة عند الرجال، وحماية الحيوانات المنوية من التشوهات وبالتالي تعتبر برضو من العلاجات الفعالة جدا لمشكلة تأخر الإنجاب عند الرجال
الوصفة بتاعتنا النهاردة ليها ثلاث مزايا كبيرة جدا
1 - الميزه الاولانيه انها طبيعية وامنة تماما وتقريبا مالهاش اي أثار جانبية سواء على المدى القريب أو المدى البعيد ورغم الامان العادي ده وانها مالهاش أي أثار جانبية إلا ان ليها فعالية كبيرة جدا تشابه فعالية أدوية أو المنشطات زي ادويه الفياجرا والسياليس والليفيترا اللي معروف ان ليها بعض الأثار الجانبية اللي قد تكون غير مناسبة لبعض مرضى ضغط الدم المرتفع او مرضى سكر الدم او مرضى القلب وخاصة اللي بياخدوا أدوية زي ادوية النيتريت او مرضى البروستاتا اللي بياخدوا بعض الأدوية اللي بتنزل ضغط الدم
2 - الميزة الثانيه في الوصفة بتاعتنا النهاردة ان الوصول ليها سهل جدا لانها موجوده تقريبا في كل محلات العطارة موجودة في الهايبر والمولات والسوبر ماركت بشكل كبير جدا والميزه الأجمل فيها ان الأسعار بتاعتها كلها أسعار تعتبر أسعار إقتصادية متدنية جدا ، اي حد
على اي مستوى يقدر يحصل عليها ، الميزة الأكبر بقى او
على اي مستوى يقدر يحصل عليها ، الميزة الأكبر بقى او
3 - الميزه الثالثه دي الوصفة بتاعتنا النهاردة انها غير انها بتساعد على علاج مشكلة الضعف الجنسي وضعف الانتصاب بشكل فعال جدا وقوي جدا الى ان ليها فوايد كبيرة جدا للصحة العامة للجسم بتساعد على حماية القلب والشرايين بتساعد على تقليل الاكسدي يردن او الاكسدي ستريس (الإجهاد التأكسدي) وبتدعم الصحة العامة للجسم
أول مكون معانا النهارده في الوصفة بتاعتنا هو عبارة عن خلاصة الزنجبيل او زي ما احنا بنقول في مصر الجنزبيل او زي ما أنا بسميه السوبر جنجر وبطبع زي ما باين هو من الشكل بتاعه وهو من الحاجات اللي تعتبر:
1 - منشط قوي جدا للدوره الدموية بيساعد على زيادة وصول الدم ودي تعتبر المشكلة الأساسية اللي بتؤدي إلى ضعف الانتصاب والضعف الجنسي عند الرجال وهو ضعف وصول الدم
2 - الميزة الثانية انه من الحاجات اللي هي بتصنع على انها افرو ديزك او من الحاجات اللي بتساعد على زياده الرغبة الجنسية الحاجه
3 - رقم ثلاثة ليه تأثير قوي جدا مضاد للأكسدة بيحمي الحيوانات المنوية من التشوهات وبيساعد على زيادة العدد بتاعها وبالتالي بيدعم
الخصوبة عند الرجال ومن الحاجات المهمة جدا لعلاج تأخر الإنجاب
4 - الميزة الرابعة والميزة الجميله جدا انه بيساعد على تقليل خطورة الإصابة بالإكتئاب وتقليل مستويات القلق والتوتر وتحسين المود والمزاج العام هقول لحضرتك في أخر الحلقة إزاي نستخدم
الخلاصات دي بالكميات بتاعتها الصحيحة وإزاي نعمل الخلطة بتاعتها بشكل صحيح عشان نحصل على الفايدة بتاعتها وفي نفس الوقت نقلل بعض الأثار الجانبية أو محاذير الإستخدام اللي قد تكون خطيرة مع بعض المكونات
الخلاصات دي بالكميات بتاعتها الصحيحة وإزاي نعمل الخلطة بتاعتها بشكل صحيح عشان نحصل على الفايدة بتاعتها وفي نفس الوقت نقلل بعض الأثار الجانبية أو محاذير الإستخدام اللي قد تكون خطيرة مع بعض المكونات
العنصر الثاني معانا النهاردة هو خلاصة السينامون أو خلاصة القرفة والقرفة موجودة في العطارة أو في المحلات او الهايبر فيه شكلين الشكل الأولاني هو شكل ليه جوده عاليه جدا وهو السيلون سينامون او القرفه السيلاني اللي تعتبر من الحاجات اللي فيها المواد الفعالة بتاعة القرفة عالية جدا وفي نفس الوقت مادة الكومارين اللي بتكون مسؤولة عن الأثار الجانبية بتاعة القرفة بتكون فيها قليلة جدا على العكس منها نوع ثاني من القرفة اللي هي القرفة الشعبية اللي هي اسمها الكاشيا سينامون او القرفة الصيني بيكون فيها نسبة المادة الفعالة اقل بدرجة بسيطة ونسبة الكومارين في القرفة اللي بيعمل سيولة في الدم وقد يكون خطر علىينا لو استخدمناه بكميات كبيره على الكبد بتكون أعلى شوية ولكن أنا هقول لحضرتك في أخر الحلقة زي ما إتفقنا إزاي نقدر نستخدمها برضو بشكل أمن خلاصة القرفة أو خلاصة السينامون ليها ثلاث تأثيرات دوائية معترف بها من جميع الهيئات الطبية على مستوى العالم ونقصد هنا بتاثيرات دوائية إنها رغم انها مكمل طبيعي الى انها بتدي تأثيرات مشابهة لتأثيرات الأدوية التأثير
1- رقم واحد بتساعد على خفض نسبة سكر الدم وعشان كده مهم جدا أي مريض سكر الدم هيمشي على الخلطة اللي احنا بنقول عليها يحافظ أو يكون حذر جدا من نوبة هبوط السكر لان القرفة من الحاجات المعروف انها بتنزل سكر الدم والتأثير بتاعها مشابه لبعض ادويه علاج السكر
2- الميزه الثانيه او الفائدة الثانية المعترف فيها القرفة أو السينامون انها بتساعد على تقليل دهون الدم الضارة وبتساعد على تقليل نسبه الكوليسترول السيء والدهون الثلاثية وبرضو التأثير بتاعها في الحالة دي مشابه لبعض أدويه علاج دهون الدم 3- الفائدة الثالثة ليها ان ليها تاثيرات مضادة للاكسدة ومضادة لإلتهابات قوية جدا ولكن الفايدة بتاعتها بقى بالنسبة للصحة الجنسية للرجال انها بترفع او بتزود نسبه تصنيع الجسم لهرمون التستوستيرون بشكل طبيعي وبالتالي بتساعد على زيادة الرغبة الجنسية وزيادة قوه الانتصاب القرفة رغم الفعاليه الكبيرة بتاعتها الا ان ليها بعض
المحاذير(محاذير تناول القرفة)
المحاذير الخفيفة اللي احنا يجب ناخد بالنا منها زي
1- انها بتزود سيولة الدم وده يستوجب الحذر لو حضرتك بتاخد أدوية سيولة
2- رقم اثنين زي ما قلنا بتنزل نسبة سكر الدم
3- ورقم تلاتة لو استخدمناها واستهلكنا بكميات كبيرة قد تسبب Liver Angry او تلف لأنسجة الكبد بالطبع لو احنا هنستخدمها زي ما هقول لحضرتك في أخر الحلقة بالطريقة اللي هقول لحضرتك عليها وبالكميات اللي هقول لحضرتك عليها ده ولا حاجه من الحاجات دي هتكون موجودة
المكون الثالث معانا النهاردة
خلاصه القرنفل او الكلاف بادز طبعا كلنا عارفين القرنفل من واحنا صغيرين امهاتنا كانت بتدينا القرنفل نحطه على اسناننا كمخدر لألم الاسنان وده لان القرنفل غني بزيت طبيعي اسمه زيت الوجينول زيت الوجينول زي ما هو ليه تأثير مخدر لألم الاسنان فهو ليه فوائد ثانية كبيرة جدا زي ان هو غني بعنصر او معدن المنجنيز وغني جدا برضو بعنصر البوتاسيوم وغني بمضادات الأكسدة الطبيعية القرنفل برضو من الحاجات اللي بتساعد على زياده تصنيع الجسم لهرمون التستوستيرون بشكل طبيعي وبالتالي من الحاجات اللي بتدعم الصحة الجنسية عند الرجال عشان نقدر نستخدم التركيبة دي أو الوصفة دي بشكل طبيعي يحقق لنا الفايدة في علاج الضعف الجنسي وفي نفس الوقت يساعدنا او نتجنب حدوث أي أثر جانبي قد يكون مصاحب ليها هقول لحضرتك على المقادير بتاعتها وطريقه التحضير بتاعتها ولكن قبل ما اقول لحضرتك عليها بقول لحضرتك برضو ان احنا عملنا حلقة قوية جدا لعلاج سرعة القذف عند الرجال بشكل طبيعي وأمن وبشكل نهائي هسيب لحضرتك الوصف بتاعها او اللينك بتاعها في وصف الفيديو في أول كومنت الطريقة عشان نقدر نحصل على الفايدة بتاعة التركيبة دي ان احنا هنجيب الزنجبيل ويفضل ان احنا نجيبه في الشكل الطبيعي بتاعه بالشكل ده ونغسله بالمايه عشان نضمن ان هو ما نجيبوش في شكل بودر عشان نضمن الجودة بتاعته ونضمن ان هو ما يكونش مغشوش او ما يكونش محطوط فيه مكونات تاني أو يكون مخلوط ببعض العناصر اللي قد تكون مش نضيفة او شوائب بنسبة كبيرة هنجيبه ونغسله بالمايه وبعدين هنحطه في المفرمة بتاعة الخلاط ونعمله ونحضر فيه شكل بودر هناخد من البودر ده 2 جرام وبنفس الطريقه هنحضر ورق القرفه و البدز بتاعة القرنفل او القرنفل هنحضر المطحون بتاع الثلاث عناصر دول وهناخد 2 جرام من كل عنصر او معلقه شاي من كل عنصر من الثلاث عناصر دي وها نخلطها مع المايه المغلية وهنقلب كويس ونسيبها لمده 10 دقاق عشان المايه تستخلص كل المكونات او المواد الفعالة اللي جوه الزنجبيل والقرفة والقرنفل وهنحط عليهم معلقه عسل عشان نكسر حرارة الزنجبيل بشكل كبير ونشربها كمشروب يومي كل يوم بعد الفطار نتمنى نكون قدمنا لحضراتكم النهاردة معلومة مفيدة صحتك في خمسة
مواقع الصحف المصرية الهامة أضغط عليها :