العلاقة الجسدية بين الزوج والزوجة
أحيانا بل كثيرا من سؤ الحظ الزوج الذي يحب المعاشرة الجنسية يقع مع زوجة لا تحب هذه المعاشرة وكأنها ماسكة له جدول وتقول له أنت مش بتشبع أنت لسه عامل إمبارح إنت لسه عامل الإسبوع اللي فات وأيضا الزوجة التي تحب المعاشرة الجنسية تقع مع زوج لا يميل لمثل هذه العلاقة وهذا أيضا من سؤ الحظ نشاهد الفيديو ثم نواصل الحديث
متصلة تشعر بحرمانية لإمتناعها عن زوجها
كلام المتصلة
انا كان عندي سؤال أنا متجوزه ومخلفه وحياتي ظاهريا مستقره والحمد لله بس انا عندي مشكله وعاوزة أعرف رأي الشيخ فيها اللي هي حتة العلاقه الحميمية بين الزوج والزوجة انا في بداية جوازي كنت عادي بلبي زيي زي أي واحده متجوزه وكنت بلبي كثيرا جدا والله ولما كنت أرفض جوزي يفضل يقول لي الملايكة هتفضل تلعنك طول الليل كنت ببقي تعبانة ومرهقه مش قادرة مثلا كنت برضو لسه مخلفه بنت فطبعا مراعاة البنت وخدمتها وأكلها وأشربها والحاجات ديت في البداية طبعا بتبقى متعبة جدا طول الوقت يفضل يقول لي الملايكة هتلعنك بيضغط عليا في حتة إبتزاز بيبتزني بفكرة الدين لغاية برضو كان بيستخدم الإبتزاز العاطفي انتي ما بتحبنيش فكنت بقول له ما كنتش بحبك طب متجوزاك ليه؟ ومخلفة منك ليه؟ مع الوقت بقى انا أصلا من كتر ضغطه وأسلوبه وطريقته وحاجات تانيه كتير بقى ينفرني من العلاقة أصلا فبقيت بصراحة عكس الأول برفض اكثر ما بلبي بكتير فزاد ضغطه في الحتة دي وأنا حاسه بيني وبين نفسي بحرمانية هو انا بس كنت عاوزة أعرف الرفض طول الوقت سواء بسبب او بدون سبب يجعلني ملعونة لما المذيعة سألتها أنتي كارهاه ولا بتحبيه ردت وقالت الأول كانت الدنيا كويسة فالمذيعة قالت لها لا لا دلوقتي فقالت دلوقتي صراحة مش زي الأول من كتر ضغطه عليا بقيت بهرب من الموضوع ده انا بس عاوزة أسال هو رفضي له طول الوقت سواء في بداية جوازي او دلوقتي هل رفضي في الاوقات دي الملايكة فعلا فعلا تفضل تلعني طول الليل؟ ورفضي دلوقتي هل فعلا الملايكة هتفضل تلعني؟ هل في فرق بين الحالتين؟ انا دلوقتي برفض العلاقه لاني حاسه ان في حاجز نفسي ما بيني وما بين جوزي ..
رد الشيخ محمد أبو بكر
الشيخ بقى محمد ابو بكر إتكلم وقال في بداية الكلام صلي على النبي صلي على الحبيب رأي الشيخ إن الدين الإسلامي إحنا فهمينه غلط الرجالة واخدينه من منطق الاستعباد والاستعلاء والإستكبار والسلطة والاساءة من منطق الذل والمسكنة ولازم تبوس رجل جوزها بريحته الوحشه علشان تخش الجنه كل هذا لا يرضي الله ولا يرضي رسول الله صلى الله عليه وسلم وانا كراجل صعيدي ما بحبش هذا الكلام يثار على الملأ وأمي علمتني الغسيل الخارجي يتنشر قدام والداخلي يتنشر جوه فسامحيني أنا أسف أنا عاوز اقول لك في آية في القرآن جميلة قوي(نِسَاؤُكُمْ حَرْثٌ لَّكُمْ فَأْتُوا حَرْثَكُمْ أَنَّىٰ شِئْتُمْ ۖ وَقَدِّمُوا لِأَنفُسِكُمْ ۚ وَاتَّقُوا اللَّهَ وَاعْلَمُوا أَنَّكُم مُّلَاقُوهُ ۗ وَبَشِّرِ الْمُؤْمِنِينَ) آية 223 - سورة البقرة معنى وقدموا لأنفسكم مهمة جدا في الآيه دي ولما نرجع لستنا عائشه تعرف يعني أيه وقدموا لأنفسكم تعرف مهمة البسمة في حياة وقدموا لأنفسكم تفهم مهمة الكلام مع الزوجه في وقدموا لأنفسكم الملاطفة والمداعبة والملاعبة في وقدموا لأنفسكم مش كده وبس الإسلام الكريم لم يجعلنا عبيد إنسان بل جعلنا عبيدا لله سبحانه وتعالى إنسان تعبان مرهق اذا نام ربنا ما بيحاسبوش على الصلاة الا لما يستيقظ لابد الانسان ده يكون حسيس يكون عنده دم أمتى بقى الملايكة تلعن الزوجة عندما ترفض المرأة بلا سبب لكن إمرأه تقول ما بيأكلنيش أقول لها ما تديهوش انما جعل حق امام واجب فان أدى واجب اخذ حقا وان لم يؤدي واجبه سقط حقه طب يا عم الشيخ بيضربني سيدنا النبي صلى الله عليه وسلم أستهجن قوي بيقول في حديث كده ما معناه إنتم عاوزين تضربوا نسائكم الصبح وبالليل تجامعوهم أيه الإستهجان ده حتى لما سألوه على الراجل او الرجالة اللي بتضرب نسائهم قال ليسوا بخايركم إفهموا دينا صح المرأه إذا كانت مرتاحة نفسيا وجسمانيا وعصبيا في راحة وهدوء وفي وفاق وفي سرور وسعادة ثم امتنعت عن زوجها أثمت ولعنتها الملائكة ولكن اذا كانت مجهدة أو متعبة فعلي الزوج الكريم أن يراعي ويتق الله وان يعمل بوصيه رسول الله صلى الله عليه وسلم وأن يعلم بأن الدين ليس فزاعة على رقاب النساء وأن يعلم بان العلاقه بينهما متبادلة لابد ان ترضى عنك وترضى عنها حتى يحصل الوئام والسرور والسعادة
سيدة محترمة تقول كلام محترم
مواقع الصحف المصرية الهامة أضغط عليها :