فيديو الكابتن رضا
ما قاله الكابتن رضا عبد العال بالنص
بسم الله الرحمن الرحيم، السلام عليكم ورحمة الله وبركاته.
خسارة نادي الزمالك أمام طلائع الجيش وخروجه من دور ال16 فضيحة كارثة يتحملها مجلس إدارة نادي الزمالك الفاشل باقتدار الفاشل باقتدار مجلس إدارة حرام تقعدوا على كراسيكم أنا عارف إن أنتو بتسددوا فواتير، أنا عارف، ومتأكد يعني عدم لعبك باللعيبة الأساسية اللي هي ما تعبتش السنة دي، ولعبت في بطولة الدوري
والكنفدرالية، أنت بتريحهم، أمال النادي الأهلي يعمل إيه؟ يعني النادي الأهلي اللي هو السنة دي لعب السوبر، ثم السوبر الأفريقي، ثم دوري الأبطال ثم السوبرالمصري ثم. كأس عالم للأندية،ثم ما عرفش الدوري ثم الكاس لعب ماتش في الكاس
واخد بال حضرتك؟ ده غير الدوري؟كم؟ بطولة؟ ثمان بطولات؟ أخذ هو منهم؟ إيه بقى؟ جاب أربع بطولات ولا خمسة؟ يعني أخذ
البطولة الأفريقية أخذ ثالث في كأس العالم ماشي، الإثنين سوبر خسرهم أخذ الدوري وكان أخذ الكأس بتاع مصر، كأس مصر اللي
بتاع السنة اللي فاتت يعني 4 - 5 بطولات لم منهم، أنت خذت من
الدوري والكونفدرالية وكأس مصر مرتين، أخذت اللي هو الكونفدرالية بس وثلاث بطولات خسرتهم،طيب المحصلة إيه؟ إن أنت مفروض الكأس ده لازم تلعبه عشان النادي الأهلي،خد الدوري اللي هي البطولة الأساسية في مصر. وكأس مصر. إنت تاخده عشان دي البطولة التانيه الأساسيه في مصر؟ واخد بال حضرتك؟ أنت قدمت اعتذار ليه؟ زي ما قدمت اعتذار في ماتش الأهلي ليه؟ وانسحبت؟عايزين يعني نربط دول القرارين دولت
ببعض؟ دي الاتفاقية اللي حصلت أثناء انسحابه من الدوري
قدام النادي الأهلي، فحصلت اتفاقية الله أعلم بقى مع مين أنه
هو كأس مصر، ما يلعبوش بالدولين أو ممكن يعتذر عنه الدوري يرجع ينسحب أمام النادي الأهلي، يدي له التلاتة بونت ويريحه ست أيام، وبعد كده وبعد كده ما تجيبش الصفقات، وبعد كده القيد ما تفتحوش، وبعد كده هتلعب السوبر باللعيبة دي أدام النادي الأهلي، فالأجندة ماشية بالترتيب حاجة حاجة أول حاجة الإنسحاب تاني حاجة كأس مصر. ثالث حاجة الرجوع؟
في موضوع اللي هو بتاع القيد بعد ما قالوا هيفكوا القيد رجعوا في كلامهم ثاني ولغاية دي الوقت ما جابوش إلا هي، صفقة واحدة بس اللي هي أصلا أشرف بن شرقي كل دي حسب الأتفاق،فالاتفاق ماشي زي ما حصل بالظبط، مافيهوش أختلاف، أنت النهاردة والله العظيم ولا لعيب ولا مدرب يشيل الخسارة دي، مجلس الإدارة لو جماهير الزمالك بقى عندها وعي وبجد يعني وبتحب ناديها، لأ،مجلس الإدارة ده ما يقعد في مكانه،مجلس الإدارة عمل لي شوية لجان وشوية مواقع، والكلام ده مش هم دول اللي حيحموك مش هم دول اللي يحموك؟ قلبت جمهور الزمالك وحشة جدا؟وحشه جدا وإنت عمال من بطولة الدوري يعني ماتش الأنسحاب دوت خلاك بقيت بعيد خالص إنت لو كنت ساعتها كسبت الأهلي كان ممكن يبقى في أمل وياما حصلت كتير النادي الأهلي في سنة من السنين، كان فرق بينه وبين نادي الزمالك 13 بونت وخد الدوري وأنت برضو كان ساعتها لو أنت بتنافس كان ما كانش هيحصل اللعب اللي حصل ده ولا القص ولا اللزق انما أنت سبت المجال، واديته لهم على طبق من دهب. موضوع كهربا؟يعني موضوع كهرباء،أنت واخد حكم إن أنت تأخذ بالدولار إزاي ترجع في الكلام وتاخده بالقسط وبالمصري؟ ولسه ما أخدتش فلوسك؟موضوع؟ كمان؟ الأعلان بتاع الدم ده إللي أنتو رجعتو وخدتو زي وتقولي زي. زي أيه؟مينفعش الجماهيره كانت ساعتها بتهتف في المدرجات وبتقول وبتقول وبتقول إنت كسرت جماهيرك؟ودي مش أول مره إنت تكسرهم. إنت كسرتهم كتير في ماتش كاس مصر إللي كان في السعودية في أول ما نيجي فتح القيد وهنجيب لعيبة عالمية، كل الكلام ده طلع بلح، طلع أوانطة طلعوا إن أنتم يعني الكدب حاجة بتجري في دمكم بصراحة يعني ما فيش حاجة من الحاجات اللي انتم قلتوا عليها أيام الانتخابات تحققت، بل بالعكس أنتم جايين تنفذوا أجندة والأجندة دي بتنفذوها بحذافيرها، ما تلعبش حاضر،مش هلعب، إرجع حاضر، هرجع فلوس كهرباء تاخدها بالمصري، حاضر بالتقسيط، حاضر،ما فيش حاجة اسمها دولار، حاضر فحاجه أنا بصراحة مستغرب. يعني جمهور الزمالك صابر الله على مستغرب يعني جمهور الزمالك صابر الله على الناس دي، معرفش، إحنا كنا أول ما أنتو جيتو توسمنا فيكو خير، إنما كدبة في كدبة، في كدبة، في كدبة لقينا الدنيا بتضيع، أنتم ضيعتم النادي وكل ده عشان الكراسي بتاعتكم يعني بتقولوا حاضر ونعم عشان الكراسي، أنتم بتسددوا فواتير الراجل اللي جابكم. أنتم بتسددوا فواتير وأنا بقولها هو عارف أنا بقول إيه للراجل اللي جابكم، مش مهم النادي الزمالك ولا جماهيره، المهم إن أنتم تقعدوا على الكراسي، هزيمة النهارده دي دي عار عار على مجلس الإدارة، لأن أنت واخذ بطولة واحدة يعتبر موسم صفر بالنسبة لك،فالمفروض أقل حاجة قدام جماهير الزمالك،أموت على البطولة دي وآخذها، وألاعب اللعيبة دي على المدرب مش عاجبه يمشي مع السلامة،ولازم تمشوا، المدرب المدرب ده لو قعد أقسم بالله بقى أنتم بتعملوا مصلحة، أنتم الإثنين مع بعض مدرب ما عندوش أي بوادر في الناحية الفنية، تماما وبصوا النهارده. بص حتى المدرب اللي انتم سايبنهولنا اللي هو جايبينه اللي هو الكاميروني ده، وبص على أحمد مجدي، والله العظيم حاجة تصعب على الكافرده فيه مدربين في الدوري المصري طارق مصطفى ومعرفش وفي مدربين،هنا عندنا في مصر، والمصحف قده 5000 مرة، حيعملوا لك كرة أحسن من كده وهيعملولك شكل أحسن من كده، وهتلاقي فعلا الفن والهندسة رجعت تاني، إنما أنتم للأسف كله مصالح وكله حاضر ونعمما عرفش أنتم جبتوا الراجل ده بناء على إيه؟ يعني جبتوه بناء على إيه؟ ويمسك نادي الزمالك إزاي؟ تعالى بقى قابلني في ماتش السوبر، بقى لما هو يجي كمان بقى وكده،وتعالوا ورونا بقى تعالوا ورونا وانتوا احتمال قبل ماتش السوبر انتو تطلعوا من أفريقيا اللي هو الدور التمهيدي بتاع أفريقيا، وهفكركوا لأن الرجل ميح أبيض بيلعب بالنشئين ما طلعلناش ناشئ علي العين. أو نقول آه ده زي ما كنتو بتقولو على فريرا طلع سيد نيمار وبرضو طلعهم لأن كان القيد أتوقف وغصب عنه وكان لازم يكمل لأن اللعيبة كان
في إصابات، وكان في ناس بعيدة عن المستوى،فكان غصب عنه يلعب حسام عبد المجيد ويلاعب نيمار ويلاعب يوسف أسامة نبيه كان ابن أسامة نبيه اسمه إيه؟ يوسف أسامة نبيه ومعرفش كان بيحط مين تاني، ومين تاني يعني أهو. وسيف جعفر ساعتها يعني كان 4 - 5 لعيبة سندوا الفرقة وكانوا غصب عنه ما كانش بمزاجه، لأن لو كان بمزاجه، واللعيبة الثانية كانت واقفة على رجلها، والله ما كان هيدي فرصة لحد ما هو. بدليل السنة اللي
بعديها ما قداش فرصة ثانيه لا لسيد نيمار، هو بيحب اللي هو حسام عبد المجيد عشان طول بعرض والكلام ده، إنما كرة ضايع، يعني الكرة تحت ضايع خالص،بدليل إنه في ماتش المغرب لما لعبه على الأرض جابوا 6 جوان من العمق على العموم، المجلس بيكمل فشله يعني المجلس بيأكد على فشله وبيأكد أن هو جاي بأجنده وبينفذها بحسب بحذافيرها، المجلس مش جاي بيعمل حاجة من دماغه، وها أقولكم يوم ما حب يعمل فيها، أول ما جه يعمل فيها أنه هو بطل الأبطال وخد قرار بوقف فتوح والزناري ومحمد صبحي، الناس اللي جابتهم مش هقول للراجل اللي جابهم، الناس اللي جابتهم، قالت لهم طب تعالوا أنتم بقى بتعندونا تعالوا ثاني يوم على طول ضم فتوح، وضم محمد صبحي المنتخب. وخلى شكلهم وحش وخلى شكل مجلس الإدارة في أول قرار اتهز، وبقى ما لوش أي صلاحيات، وما لوش أي قوة ولا أنت عايز تعمل لنا بقى فيها النادي الأهلي؟ لأ تعالي بقي يا حبيبي وخلوا شكله وحش. ومحدش قدر يفتح بقه الاتنين ما لعبوش. بس هم خدوهم عشان يكسروا مجلس الإدارة قدام جماهير الزمالك. عشان بعد كده ما تاخدش قرار إلا لما ترجع لنا الأول فشل، وراء فشل، وراء فشل كل دي كل الحاجات دي هم فاشلين وبينفذوا الكلام بكل محتوياته دوري انسحب حاضرارجع حاضر كرامة كهرباء ما فيهاش، انسى، موضوع الدولار حاضر، هتاخده بالجنيه المصري حاضر هنديهاله على أقساط، حاضر هتتعاقد مع كذا، حاضر، اللي هي مشروب الدم ده ما تلعبش كاس مصر حاضر ما تجيبش صفقات حاضر ما تفتحش القيد حاضر هتروح ماتش السوبر باللعيبة اللي هي موجودة، حاضر، وكل ده جماهير نادي الزمالك هي اللي شايلة الطين وهي إللي بيتحرق دمها وهي إللي بتموت عشان نادي الزمالك والتانيين ولا في دماغهم؟ليه؟ طالما اسيادهم راضيين عليهم؟مش مهم جماهير نادي الزمالك ولا؟
لعيبة نادي الزمالك ولا نادي الزمالك نفسه أهم حاجة أن الأسياد راضية علينا وقاعدين على الكراسي بتاعنا. بس الموضوع ده
مش هيطول إن شاء الله، وأنا بقول لك أقول أهو إن الفترة إللي جاية دي جمهور نادي الزمالك مش هيسكت أنا خلصت كلامي وقولت أللي عندي وخلصت ضميري والكورة في ملعب جماهير نادي الزمالك
السلام عليكم.
مواقع الصحف المصرية الهامة أضغط عليها :