الدكتور سعد الدين الهلالي أستاذ الفقه المقارن بجامعة الأزهر
صيام يوم عرفة للحاج وغير الحاج
الدكتور سعد الدين الهلالي يقول تعالوا نتكلم على حكم صيام يوم عرفة
هل صيام يوم عرفة مستحب؟ هو مش واجب طبعا
مش واجب إلا إذا إنسان أوجبه علي نفسه بالنذر
لكن الواجب هو صيام رمضان لكن صيام يوم عرفة حلو جميل سنة تاخد فيه أجر ولا صيام يوم عرفة عادي زي أي يوم عادي
المذهب الحنفي بيقول وكمان لو كان سنة .. سنة لكل الناس ولا لغير الحجاج والحجاج بإعتبارهم واقفين تحت الشمس واقفين في مشقة السفر يبقى مش مستحب لهم المذهب الحنفي بيقول لا صيام يوم عرفة مستحب لكل المسلمين لكل من أراد أن يتقرب إلي الله عزوجل طالما قادر الشرط الوحيد إنه يقدر مش يبقى عنده مرض سكر ولا يبقي كبير في السن يدوخ من الصوم أصوم يوم عرفة عشان سنة
سنة مين وحياتك هتضيع قضية سنة مين وأنت مش هتقدر تكمل صيامك وتلاقي غيرك بيخدمك لأ اخدم نفسك .. اول ابدأ بنفسك
فالمذهب الحنفي بيقول : مستحب صيام يوم عرفة للحاج وغيره
لحديث رواه مسلم عن أبي قتادة إن سيدنا رسول الله قال : صيام يوم عرفة إني أحتسب على الله أن يكفر السنة التي قبله والسنة التي بعده يعني إللي هيصوم يوم عرفة ينتظر فضل ربنا إن ربنا يغفر له ذنوب سنة سابقة و سنة لاحقة
جمهور الفقهاء بيقول : الحجاج يكره ليهم يصومه يوم عرفة
ليه؟ .. إن سيدنا النبي كما ورد في البخاري ومسلم
دعا بقدح فيه ماء وشرب مما يدل على إن سيدنا النبي عايز يقول الحجاج لأ أما غير الحجاج يستحب ليهم إنهم يصوموا يوم عرفة
للحديث اللي احنا ذكرناه ورواه مسلم عن أبي قتادة أما عندنا بقى فيه فقيه كبير او تابعي مات 144 هجرية اسمه يحيي ابن سعيد الانصاري قال حرام على الحاج إنه يصوم يوم عرفة أما غير الحجاج يستحب لهم يصوموا يوم عرفة مين قال حرام يحيي ابن سعيد الانصاري اللي مات 144 هجرية قال يحرم ليه؟ أصل حديث رواه أبو داود عن أبي هريرة إن سيدنا رسول الله نهى عن صوم يوم عرفة بعرفة لكن في غير عرفة اه ممكن تصوم
تعالوا نتكلم على حكم الدعاء يوم عرفة
ايه رأيكم في الدعاء حديث رواه الترميذي إن سيدنا رسول الله بيقول خير الدعاء دعاء عرفة وخير ما قلت أنا والنبيين قبلي
لا إله إلا الله وحده لا شريك له .. له الملك وله الحمد وهو على كل شيء قدير
الدعاء .. الدعاء في كل سنة وفي كل ساعة وفي كل يوم وفي كل لحظة ليل ونهار قال الله تعالي : أدعوني أستجب لكم
الدعاء عبادة لكن تيجي في يوم أيام معينة أيام كده مباركة فيها
نفحات زي يوم عرفة ده يبقى يوم مستحب على سبيل التأكيد بس للحاج بقي أكتر أكتر ليه؟
ده انت مسافر يا حاج علشان تلبي نداء ربنا مش فرصة العمر إنك وقفت علي عرفة تقوم تدعى ربنا يبقى ده من باب انتهاز فرصة مباركة اليوم ومباركة المكان ده أنت فرصة العمر و مباركة تجليات ربنا عليك
فيديو الموضوع
مواقع الصحف المصرية الهامة أضغط عليها :