كلمات : سيد مرسي
ألحان : بليغ حمدي
كانت الفنانة عفاف راضى تدندن بأغنية اوبرالية فى إحدي الجلسات الفنية و بجانبها يجلس بليغ حمدى ..
تقول الفنانة عفاف رأيت الأستاذ بليغ شارد و صامت و محتضن العود و لم افهم ماذا حدث له ..
بدأ يدندن على العود بلحن جديد فى اسلوبه و بعد الانتهاء منه فى عشر دقائق قال بليغ حمدى انا عملتلك يا عفاف لحن بيجمع بين اللحن الاوبرالى و الشرقى و ناقصه بس الكلمات
كتب الشاعر سيد مرسى الكلمات التى سبق و لحنها بليغ حمدى و كانت هذه حكاية اغنية ردوا السلام التى صنعتها العبقرية البليغية بدمج مدرستين مختلفتين تماما فى الألحان ..
ردوا السلام .. الا السلام دا غالي
ردوا السلام وماتطلعوش في العالي يا سلام
ردوا السلام وما تجرحوش إحساسي
وفكروني عملت إيه لو ناسي
وريحوني دا انتو أهلي وناسي
ولا المرار في شرعكم أحلالي
ردوا السلام وماتبعدوش وتعالوا
وما تزعلوش من كلمتين انقالوا
ودا عيش وملح وعمر تاني بحاله
بس الزمان عمره ما غنالي
ردوا السلام وكفاية غلبتوني
ردوا السلام وكفاية توهتوني
واللي شافوني تاهوا لما شافوني
قالوا يا عيني على سهر الليالي
ردوا السلام واتكلموا يا حبابي
ردوا السلام ولا عاجبكوا عذابي
يا هلترى حتعدوا يوم على بابي
ولا الأوان قال للزمان وانا مالي
#زمن_الفن_الجميل
مواقع الصحف المصرية الهامة أضغط عليها :